Hazten naizenean, zuhaitza nahi dut izan

Aguraindik gertu, autobide zaratatsu batetik bi kilometrotara baino ez, bi herrixka xarmagarri, MUNAIN eta OKARITZ,  aurki ditzakegu. Bertan nahiko ezezaguna egiten zaigun aparteko altxor bat dago, bistatik ezkutua: baso baztertu eta magiko bat, barnean 500 urte baino gehiagoko adina duten 600 zuhaitzetatik gora (aritzak, gehienbat) dituena, batezbestean 4 metro baino gehiagoko diametroarekin. Haien arteko zaharrenak 1.500 urte baino gehiago dituzte, eta hainbat kalakardo, goroldio, iratze naiz liken mota berezi babesten dituzte.

Argazkia: Iñigo Larramendi

Argazkia: Iñigo Larramendi

Erraldoi bare hauen itzalean, nork bere buruari zera galde diezaioke, besteak beste: Premiazkoa benetan garrantzitsua al da? Ba al du inongo zentzurik mundua lau urtetan aldatuko dugula uste izatea, edo bi urtetik gorako edozer gauza jadanik zaharkiturik dagoela esatea? IBEX, EURIBOR, arrisku-saria, sakelekoaren tarifa, nere soldata-orrian jasaten dudan atxikipena, pentsio-funts batean inbertitzen dudan ala ez… ba ote dira, benetan, bizitzaren gakoak?

Argazkia: Iñigo Larramendi

Argazkia: Iñigo Larramendi

Eta, berezko moduan, Agure Ohoragarri hauek erantzunak jakinarazten dizkigute… irabazlea ez dela indartsuena izaten, malguena baizik… gizon-emakumerik jakintsuena ez dela hitz egiten dakien hori, entzuten dakiena baizik… eta, geure buruak modernotzat eta punta-puntakotzat jo arren, inozo, ergel hutsak izaten garela askotan, bene-benetan garrantzitsua den guztia aspaldi asmatu zuten eta….

Argazkia: Iñigo Larramendi

Argazkia: Iñigo Larramendi

Biharamunean, beste behin ere, paregabeko eskaintzak botako omen dizkidate supermerkatuan, sakeleko tarifa ezinhobeak direla eta jo ta ke gogaituko naute egun osoan, eta nere aurretik (ustez) desiratu behar dudan lan-arrakasta hori lortzeko hainbat aukera erakutsiko omen dizkidate…. Orduan nik iseka egingo diet, bira emango dut, eta, nere kautan, zera pentsatuko dut: “Hazten naizenean, zuhaitza nahi dut izan!!”.

– Iñigo Larramendi-

Advertisements

One thought on “Hazten naizenean, zuhaitza nahi dut izan

  1. portuko10 4:05 pm 17 Iraila, 2014 Reply

    Aritz nafarra, dudarik gabe,,,,jaja. Oso ona artikulua, Iñigo. Gorenziak Urdiaindik, ez oso urrutitik ortaz.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Google+ photo

You are commenting using your Google+ account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

This site uses Akismet to reduce spam. Learn how your comment data is processed.

%d bloggers like this: